قصيده من الشاعر عايض بن منيس الشهراني موجهه للشاعر علي بن ناصر بن هندي


يامفردات الشعر يا بدع الاوزان
ياجزل معنى الشعر بيت وقصيده

سجل (علي) ياشعر ذربين الايمان
عود" بعقله بالمعرفه و ليده

ابدع و نال اعجاب شب و شيبان
واستحسن الحظار شعر وقصيده

جدد مواثيق على عرف الازمان
تسمو بعراف الدرر و الفريده

شاعر وساس الشعر طيب وعنوان
وميزان عرف و المعارف شهيده

مامات من خلف رجالا" و شجعان
ومحمدو سلطان عايض عظيده

فيا هاجسي بلغ سلامي للا خوان
و يا الله متعهم حياة سعيده

سلام باحساس الاخوه و الاشجان
وسلام باحساس الخفوق و وريده

نفخر بكم قولا وفعل و عرفان
اخوان في دم الجسد و العقيده

يابيت عز بالمكارم علا الشان
بيت" على سيسان طيب جويده

ياخواني الغالين في كل الاحيان
الطيب للرجال يرفع رصيده

والطيب مظرب زند رامي ونيشان
تدمي به افعول الهواة و تزيده

والطيب له ناس" وناس" و شيخان
والعود مزبن طيب فعل و سديده

مرحوم عد انصوب ليل" و ودان
يامن فعول الطيب تمظي بها ايده

وصلو على طه عدد هل الامزان
المصطفى الهادي لشرع العقيده

............................
الردود من الشاعر علي بن ناصر بن هندي


يامرحبا ترحيبتن والسعد حان
زالت همومي يوم جات القصيده

قصيدة الغالي لها عندنا شان
ولا نقول الا البيوت المفيده

والشعر فينا من قديم والى الان
ولا نقصنا الشعر حنا نزيده

والشعر ديوان العرب وين ماكان
وعز الله انه فاقد له فقيده

أبوي جعله في بساتين وجنان
راعي المواقف والعلوم الحميده

مواقف المرحوم ناصر كحيلان
عساه في الجنه ممد الزهيده

عز الصديق وشاعر لقيف شهران
رصيد أبوي اللي يجمل رصيده

واللي ذكرته يابو غصاب بإتقان
خلتني اقول الشعر واستعيده

أبيات شعر كلها در واسمان
الله حماها من الهزل والنقيده

وابياتكم تصغي لها كل الاذان
ونظرات عايض في المواقف بعيده

قد قالها قبلي الكريم ابو راكان (1)
راعي المواقف والبيوت الجويده

ظابط وشاعر وابن عم وفهمان
مد شهران الله بخيره يزيده

وحنا لنا في قمة الطيب سيسان
من مد طيب نقول له صحت ايده

هذا الردود ولك تحيه وعرفان
وعز الله انك أدركت معنى النشيدهـ

وأقبل تحية خوك عايض وسلطان
ومحمد قد جاك منه قصيده

وصلاة ربي على النبي نسل عدنان
اللي هداه الله لنهج العقيده

:::::::::::::::::::::::::::::::::::::
ابو راكان المقصود في ألقصيده
هو الشاعر الرائد/خالد بن سعيد الشهراني مدير شرطة وادي بن هشبل...