ياسيدي سلمان

بسم الله ابداء وابتدي بالواحد الفرد الصمد
من بعدها صلو على طه رسوله والنبي

ورسالتي من هاجسن في موقفه قام وقعد
اقولها واعيدها في موقفن ماينغبي

حنا حمات الدين والدوله وحكام البلد
في طاعة الله نرخص الارواح والهايب هبي

امانعيش الوقت في نعمه وفي عز ورغد
والا بلاش إنعيش في وقت المذله والسبي

الموت اهون م الحياه اللي على ذل ونكد
يبطالنا اللي للفخر تسعاله وتحبي حبي

ياسيدي سلمان بذن الله تبشر بالسعد
دام الفخر في روسنا في سلمنا ماينهبي

وقت اللقاء معنا صقورن جاهزين للهدد
صرح بما يخفاك وابشر باللذي منا تبي

سلمان جار المستجير وصاملن فيما وعد
وحنا على سلم الجدود إنجير من جانا يبي

نصرته في يومن تزايد فيه غبنه والجهد
يقلط لها الشايب قبل مايقلط الموقف صبي

مانعترض من دون حكم اقدار ربي او نصد
ماجاء من الله فيه نرضاء حكمه اللي غالبي

وحنا ليا جات الصمايل جدنا فالمزح جد
اللي نوى فينا بشر وسط شره ينكبي

يومن قلبنا الطاوله من فوق روسن ماتعد
لابد مايركد لنا العاصي لو إن كان إعربي .

عثمان مبارك خويتم