البدع

بديت بإسم اللي خلق الإنس والجان = الواحد المعبود منشي الغيومي
اللي خلق خلقه وفرَّق بالألوان = مثل إختلاف النور بين النجومي
وأنا أشهد إن بعض الرجاجيل صنيان = والبعض هيكل رجل لكن رخومي
وبعض الرجال صقور حرٍّ وشيهان = وبعض الرجال طيور حديا وبومي
وفيهم سنافيٍّ صميدع وفهمان = حدٍّ رهيفٍ مايجي به ثلومي
وفيهم سند لا ثار عجٍّ ودخان = يشفيك ويخليك تنسى الهمومي
وفيهم رجل سواق حرمة وورعان = وليا بغيته ما يسد اللزومي
ولا شفت لي رجّال مثل إبن سلطان = عبدالله اللي من شيوخ البقومي
رجل كفو يا جعل يسلم كحيلان = ومثله عسى عمره يطول ويدومي
يا سعد عين اللي له ربوع وإخوان = مثله ,عسى الرديان تفدى القرومي
اللي بفعل الطيب بادر والإحسان = ومطلوبك أياً كان تره محسومي
ما شفت مثله في حياتي ولا كان = ولا قد سمعت بشخص مثله خدومي
هذا هو الإنسان لا قالوا إنسان = يحسن ويحسن كل ليلٍ ويومي
موجز كلامي وإبن سلطان عنوان = رجل الكرم والطيب راعي السلومي
وختامها صلوا على نسل عدنان = إعداد من في البيت طاف القدومي

الرد

يا مرحباً ترحبيةٍ تازن أطنان = تنشر على روس النخل والرجومي
باللي لهم قدر ومكانه ونيشان = تاج الفخر لبسوه فوق العمومي
يا طيبهم لا صاح صياح عدوان = وقامت تلامع ضو حدب السهومي
عدوّهم دايم بذله وخسران = وقسم النشاما من خيار القسومي
أهل الفخر والعز صبيان شهران = والموت معهم وقت لمس الخشومي
العز ما أخذوه في السوق بأثمان = بأيمانهم حطو عليه الختومي
يا ظافر أثر عمير ماهوب غلطان = لو قال لي إخوِّن قوي العزومي
تستاهلون النعم في كل ميدان = وأبنا عمومتكم والله والنعومي
واللي عمل رفيقنا سلم جدان = ولو ما فعل هذا كسيناه لومي
يستاهل البيضا وينشر له إعلان = ولا هوب من نعم الرفيق محرومي
جدانه أهل الطيب يوم الدهر شان = لهم على العليا كبار الوسومي
ميزانهم يرجح على كل ميزان = وماذم أحد لكن هذي علومي
حنا نوصي عيالنا وهم ورعان = على العلوم اللي تنومس تشومي
وخذنا وصايا أجدادنا ماض الأزمان = ولا رحم من وصاه جيري وتومي