بسم الله الرحمن الرحيم

قصيده للشاعر مبارك علي القحوم المنبهي الشهراني

مدح في شيخ قبيلة الطلوق
الشيخ محمد بن سعيد بن الشذا


جيت عند ابن الشذاء قضاي حاجه
وجهه ابيض ماتعذر من لزومي

نـعم يــاللــي لالــفــاه العـــلم واجه
عــارفٍ كـل المعانــي والسلومي

عنــد غــيره مـالقيـنـا الا السماجه
كــبروهــم بالمناصـب والختومي

مانحب اهل الــردا واهـل العواجه
اللــي فيهـم كـــل طــيبٍ معدومي

واللـي مايعرف مع العـالم خراجه
عــزتيــلــه مــاتجــمـل ومحرومي

مـادرا انــه عنـدمـا يطفـي سراجه
كن عمره في حياته نصف يومي

او مريـضٍ طــاح ماحصـل علاجه
وش يـفـيـده دام مـايـقـدر يقومي

ضيفتـه عـند العـرب حبـة دجاجه
والشـذا يستاهـل الثلـب الردومي

مبارك الشهراني

======================


والرد من الشاعر مانع بن فارس بن هدباء الطلوق المنبهي الشهراني


مرحبا ياماخذ من الطيب تاجه
وجهك ابيض يالكفو راع العلومي

العلوم الصافيه ماهي هماجه
والوفاء طبع الرجاجيل القرومي


جعل من هو قاضبن درب العواجه
تنعوج به سكته لين الهمومي

الكفو منهج هل الطيب انتهاجه
دون شفه لا يصد ولا ينومي

سمعته مثل المطر يجلى العجاجه
ووقفته مثل النصر قدم الخصومي

وأن وفينا ورثنا يبقى نهاجه
مالنا يامبارك ومال الرخومي

ومن قفل بيبان بيته في سياجه
جعل راسه يامبارك مايدومي

والعلوم الصافيه ماهي هماجه
والوفاء طبع الرياجيل القرومي


مانع فارس الطلوق