من شهر
قصيده موجهه الى خالي الشيخ / فالح بن عثمان بن فايز النجود
من دون قصورن فالجميع
من شهر لازم هاجسي م القوافي
حتى انبرى جوفي وبين لهيبه
ونظمت من حلو المعان الوصافي
قصيدتن فيها الوصايف مهيبه
مختالتن بالزين وصل وتجافي
مالحقها م الناس شكه وريبه
امدحبها اللي دايم الدوم وافي
لاصارت الامداح خيلن نجيبه
مدحك يابو عثمان من قلب صافي
يبقاء ال مثل شرواك عندي وجيبه
ياخال لو كلن بيسعا وايطافي
ماوصلو ال حدك ومجدك وطيبه
نذرت اني لك لسوق القوافي
في ساعتن سيق الجمل والركيبه
مثلك عزيز النفس للعز يافي
لو كل جرحن مالقو له طبيبه
فعلك يابو عثمان لصدر شافي
يوم انك منصا أهل الديار الغريبه
تسلم يمينك يالوفي السنافي
ياللي فعولك فالملاقاء رحيبه
هاذي حقيقت خافقي واعترافي
ونذرن علي انها العلوم المصيبه
مالحقها شكه وريب وتجافي
زين العلوم اللي كتيبه كتيبه
اقولها في زين معنا وقافي
ياللي علومك فاللقاء مستجيبه .
عثمان مبارك خويتم
|