ياحب سيف القلب كنه على نار= قلبي جنوبٍ لين ترجع عليه

من بعدكم كني غريبٍ عن الدار= ولاَيتيمٍ احرموه العطيه

انشد عن اخبارك محطات الاقمار= وانشد نسانيس الهبوب العذيه

ياشبه ظبيٍ عن دروب القنص ذار= وياغصن موزٍ في دياررويه

بعيونك النجلي غرابيل واسرار =والبسمة الخجلى تسوي قضيه

يافل ياكامل ويافايف ستار= انشهد اني في غرامك ضحيه

لعبت بي يامفتري لعبة قمار= من دون ذنبٍ اقترفته وسيه
ياحب سيف القلب شبيت به نار= ماتنطفي حتى تعود عليه