هــات القلم ياعمير واكتب لي أبيات

تعرف بها نــــور الطريق وظلامـــــــه

الاوله يابوك - رب السمـــــــــــــاوات

يشوف ماتفعل ومنْزل كــــــــــــلامه

اقر الكلام تشوف مابين الآيـــــــــات

واتق من الخالق ويــــــــــوم القيامه

والثانيه ياعمير حفــظ الصــــــلاوات

مع الجماعه في نعيم وســـــــــلامه

والثالثه ياعمير في كل الأوقــــــــات

ترحيبة الضيفان قبل الكــــــــــرامه

حق الخوي والضيف لو بالديانـــــات

البن الأشقر والشحم في قــــوامه

والعود الأزرق لو غلا بالثمينـــــــات

عــده على اكرام اللحى والعمامـــه

الحظ وهبه والنـــوايا مطــيـــــــات

والثقل حكمه والتسرع نــــــــــدامه

والرابعه ياعمير درب المتــــــــــاهات

احذر من أصحاب الرخا والجهـــــــامه

يحزن قريبك لاسمع هرج شمــــــات

والساس عز ومعتلي كل هامـــــــه

والخامسه ياعمير اقدم ليـــا جات

شجاعة المقدام تثْبت مقـــــــــامه

حوض المنايا لاتهاب المنيـــــــــــات

خللك زعيم وصارمٍ بالزعــــــــــامه

واهل السواد من الطروش البهاوات

اللي نســوا عار القناع وُملامــــــه

ستر الهنوف اللي وقع فالمطبــات

مدري خذته الريح والا الحمـــــــامه

احذر مجالسهم تراها دعــــــــايات

وعند الشدايد روسهم كالنعــــامه

ثَمَا القَرا فيها قبورٍ قديمـــــــــــات

وادْلال هلْهــا وزعت في تهــــــامه

وتاريخ زايد في حدود الغويفــــــات

لابندقٍ ثارت ولى به رغـــــــــــــامه

واختامها مني صلاه وتحيــــــــات

على النبي المصطفى في منامه