لو الغلا والقدر دايم نقوسه=ما أوفيت قدر صحيبنا بو مسلّي
فسلام من قلبٍ تسوقه هجوسه=والشعر عندي هاجسه ما يذلّي
تسليمةٍ للصرح واللي يروسه=وكلٍّ يقول الصرح هذا محلّي
وان عوّدت للشعر باطلق حبوسه= مانيب لامحتار ولا مقلّي
شاعر وشعري عايشٍ في طقوسه=وسحابته في كل وقتٍ تهلّي
اليا نظمت الشعر مانيب احوسه=وآتلّ جزله فالمهمّات تلّي
وابقى على الهقوات والخطر ادوسه=وارقى بشعري كل رجمٍ مطلّي
والوقت درّسني ولا اجهل دروسه= ومن بعد حرّ الشمس حصّلت ظلّي