أسألْكْ يا سامع دُعاء مرتجينه = أمانك من الخوف في يوم الأهوال
وسدد خُطا من حط ربه عوينه = وجازه بفعل الخير مثقال مثقال
في مكتب عامينه متممينه = نهض بعزم رجال وبهمة رجال
يا مكتب الدعوة جنوب المدينه = أنا أشهد إنك مبدع بكل الأحوال
وأخترت للدعوة يدينٍ أمينه = وأصبحت في الإبداع مضرب للأمثال
نشاط في تعليم الإنسان دينه = والتوعية للكل نسوان ورجال
والجاليات إلها برامج ثمينه = متخصصة والخير لا زال همّال
وكم قرية وكم مركز خادمينه = وبعد المسافة ما حسبتوه لو طال
ومن الثمار اليانعات الحسينه = هذا اللقاء والملتقى شاهد الحال
إللي من أعلا ترج لأقصى الجنينه = كلٍ لفى للعلم وارد ونهّال
فيا مدورين الخير يا كاسبينه = في مثل هذا ينفق ويبذل المال
وين الكرام أهل القلوب الفطينه = إللي تدوِّر في الخفا زين الأعمال
إللي سمع وإللي يناظر بعينه = الخير يا أهل الخير أنواع وأشكال
تم الكلام وبالذّكر خاتمينه = وصلوا على المختار والصحب والآل