حلمي كبير


قلبي على نظم الشعر والقوافي
يدها على روس المراقيب مدهاه

لو عكر اجوائي لو الجو صافي
ارضيه لو سجات فكري معاناه

كم ليلتن فيها وفاء كل وافي
لاصار للهقوا معاني وماواه

وكم ليلتن منها شكا كل خافي
غصبن امشيها ومن دون مشهاه

مجنون في قول البيوت النظافي
اللي تجمل في نهار الملاقاه

انظم معانيها بزين إحترافي
وإجعل لها فوق الخيالات مرقاه

لو هي نظم لو هي رثاء واعترافي
تلقو لها بصمه ورود ومباهاه

تلقاء لها المتسمعه في تشافي
من شاعر جزل القصايد تهناه

حلمي كبير ولو يطوف المطافي
الارض ارضه والمسما تسماه

لاكن بخلي المجال إنتصافي
للي يبي ياخذ مع الشعر مبداه .