أنا البارحه جاني هموم وقلق وازعاج = أسرّح مع الهاجوس وآقول وين آروح
جلست آتقلب لين نور الصباح انباج= لعلّ وعسى والاّ ترى خافقي مجروح
تضايقني همومي ولا شفت لي مخراج = وحار القدم والعين منها العبار تفوح
من حقوق خلق الله ومن هرجة الهرّاج= قليل المحاسن لاجميلٍ ولامصلوح
فتذكرت لي رجلٍ كريمٍ طليق احجاج= وسيع الجناب اللي بفعل الوفا ممدوح
تذكّرت بن عفتان(*) عدّ الروى هدّاج = وعبّرت له عن وضعي وحالي الملحوح
كريم المساعي راس قومن زعيم افواج= يذرّي ذراه من العواصف طويل شبوح
زعيم وكريم اسبال ويساعد المحتاج= وبيته لضيفانه وراعي الطلب مفتوح