يا الله يـاعــالم خفيـــات الأســـــرار= يـاربنـا المعبــود يـا ذا الجـــــــلالي
نســألك جنـاتك وبعـد عـن النـــار = والســتر فـي الدنيـا ورزقٍ حــــلالي
وأحسـن عواقبـنا ووسـع لنـا الــدار = وأصـلح لنـا النيـة وكـل العيـــــالي
وأخـص أنـا عـزوز بالقـول وأختـــار = وأوصيك تقـوى اللـه فـي كـل حـالي
ترى التقى يابوك من طبع الأخيـار = ومن يتقي يصـبح مـن الهـم ســالي
وأوصيـك في الربـع الموالين والجــار = والوالديــن أرخـص لهـم كل غـــالي
خلـك لهـم مخلص وخلـك لهـم بــار = وإبـذل لهـم ما تستطيــع وتنـــالي
وإحذر تضايقهـم تـرى الوقـت دوّار = ولابــد مــن يــومٍ بمــدك تكــــالي
وإحرص ليا جا الضيف نقال الأخبـار = قـدم لــه الترحيــب قبـــل الدلالي
رحـب وكــرر كــل مــا جـــاك زوّار= وإذبـح لهـم شــاة البخيـل المغــالي
اللـي بنـا الدنيـا بدرهـم ودينـــار= ولا درى عــن ماطــوتـه الليـــــالي
ولا درى إن مبنــاه لابـد ينــــــهار= ولا بـد مـن قبــر جــداره هيــــالي
أمـا مـن الجنــة بـه ورود وأزهــــار= ولاّ مـن النيــران يصـــلاه صــــالي
وممشاك مع الأجواد وطوال الأشبـار = وخلّـك علـى اللـه دايــم الإتكــــالي
وجنِّب طريق أهل النمايم والأشـرار= واللـه لا يبــقي للأشــرار تــــــــالي
أقولهـا يـابـوك وأكتـب لـك إقـــرار= إنـي ما أحب الشـين وأهـل الخبـالي
حبـي تـرى لأهل المكـارم والأحـــرار= اللــي منازلهـم بــروس الطــــوالي
يـاعزيـــز يـابـــوك وأكــرر مــــرار= خلــك كمـا قصـرٍ طويـل الظـــــلالي
وختامها صـلوا على سيـد الأبــرار= إعــداد وبــلٍ فـي مـــزونٍ إثقـــــالي