أنَا حَبِيبَكْ أوْ حَبيبكْ هُوْ أوْ مَالِكْ حبيب

قصيدة للشاعر

فَهد المسَـاعَد



أنا حبيبك أو حبيبك هو أو مالك حبيب
ولا تحبيني أنا ويآه وأمرك من سعه


طيب من أول من سكن قلبك أنا ولا الغريب
يعني تخونينه معي ولا تخونيني معه


ولو خيروك يظل منا واحد و واحد يغيب
من فيه منا غيبته لو غاب غيبه موجعه


انا اذكر ان البنت فيها رقه وطيبه وطيب
واما يجي فيها دلع ولا تجيك مدلعه

والبنت هذي أمرها من كثر ما أشوفه غريب
سألتها يالفاتنه قلبك قبل ما أودعه


وشلون خلانا كذا اثنين يجمعهم نصيب
قالت لي قلبك لا عصاك اعصه واذا طاعك طعه

قلت ومن اللي بين هالاثنين منا لك حبيب
قالت اذا تبغى الصراحه ؟ كلكم يا الأربعه !





مما راق لي ،،،،،،،،