قصيده موجهه الى الشاعر/ناصر بن عايض بن هندي المنبهي الشهراني
من الشاعر/سعيًد بن محمد الجبيراني الاكلبي وهي بتاريخ26/5/142
بسم الله مفتاح الابواب يصحبهـا السـلام=
للصديق اللي مع الناس له قـدر وصيـت
بوعايض ناصر ربيب المكـارم والكـرام=
مكرم الضيفان وان حدك الـلازم وجيـت
من رجال تكسب المدح في يـوم الزحـام=
يرفعون الراس لابعت معهـم واشتريـت
جارهـم والعانيـه باللـوازم مايـظـام=
مزبن الخايف وظلـع صعيـب لارقيـت
يابن هنـدي مبطـي ماسمعنالـك كـلام=
وأنت مفتاح الظماير اليـا منـك نويـت
أنت دكتور الجرايـح وقامـوس النظـام=
وأنت مصدر كل حكمه وعن قصدي دريت
وأنت قاضي مايغرك لا حـلال ولاحـرام=
في قواميس القضاء والشريعه قـد قريـت
من تجاربـك الطويلـه وتفسيـر الحـلام=
عارفٍ قصدي ومعناي يوم انـي بديـت
مكرة الايام ياشيـخ تمشـي فـي ظـلام=
والمشاكل ساسهـا بالعـراق وبالكويـت
والعرب متخالفـاً رايهـا والحـرب قـام=
واليهود احتلت القـدس بيـت بعـد بيـت
علًقت فـوق المنابـر صورهـا والعـلام=
والفلسطيني ينادي رضيت أوما رضيـت
ياناصر مدري متى تصحي الناس النيـام=
ودي اسمع منك وجهة نظر يـوم ابتليـت
كـان عندحـل فانـت المقـدم واليمـام=
ماتطيـح الشـاره الا ليامنـك رمـيـت
أنت لك في كل الامور مصـداق ومقـام=
في مواقيف الوفاء كم خذيت وكم عطيـت
الريـاح العاتيـه ماتقربـهـا الخـيـام=
والجمل ماعاد يحتال في حمـل الونيـت
بركت عيس الحظانا من اظلاف المسـام=
والحمول الجايره صار منها الحي ميـت
واللي مايدري عن الوضع يلحقنـا مـلام=
وأنت تعرف ساس شكواي يوم اني شكيت
ردابن هندي يقول:
يالله ياللـي ساهـراً فـوق خلقـه ماينـام=
أنت بالمـدات والجـود ولعفـوك رجيـت
طالبك ياخالق الكـون فـي حسـن الختـام=
يالله تقبـل دعوتـي وابتهالـي لادعـيـت
وبعدهـا يامرحبـا عـد همـال الغـمـام=
بالصديق اللـي نخانـي بعلمـه وانتخيـت
الجبيرانـي سعيٌُـد غـزا شـرق وشــام=
جاتنـي منـه الرسالـه تنـادي واحتميـت
الحميـه واجبـه للحشيـم ابـن الحـشـام=
لا قزت عينه من النوم مـن شـي قزيـت
والجبيرانـي شكالـي مـن أمـوراً جسـام=
مثل شكوى الزمان اللي مضى كيت ابن كيت
اعرف انه ماشكى مـن تجاريـح الغـرام=
يشتكي من ظرفه اللـي يهمـه واعتزيـت
اعتزيت وقمـت عجلانـم وامـس الحـزام=
واعتبرني ياسعيُد معك ليـا منـك غزيـت
كـان تبغينـا نسـوي وساطـه وانظمـام=
فانت خابرني ليا قمت واقـف مـا انثنيـت
يـا سعيُـد لـك معـزه وقيمـه واحتـرام=
ببذل المجهـود نحـوك لقيـت أو مالقيـت
بينـي وبينـك مخـوه وشيمـه والـتـزام=
لونسي بعض الرياجيـل غيـري مانسيـت
واللي مايعرف فقـار البعيـر مـن السنـام=
لا تبديه المشـوره خذيـت اومـا خذيـت
والحديد الصلـب مايمسكـه غيـر اللحـام=
والـعـدود الراهـيـه لا ودت لهاسقـيـت
أنت رجل ماتربيـت فـي جمـع الحطـام=
غير ربتك الليالـي علـى الطيـب وبنيـت
بانـي الامجـاد وتحـث مشيـك بالاهمـام=
وفي طويل الرجم ناداك حظـك واعتليـت
والامـور الباقيـه لاتحـط لهـا اهتـمـام=
حطها في خزنة الصبر داخـل كـل بيـت