المنبهي الدندون
أبشر بعزك
يــا الله يــا مـالـكٍ انـسـه مـــع جـنّــه والخـلـق بـيـديـك تصـريـفـه وتـدبـيـره
تـبـرج لعـبـدٍ جـــداه مـجــاذب الـونّــه يلعـب بـه الهـم مـن ديـره الـى ديــره
لا نامـوا النـاس حـن القلـب لـه حنّـه ودقت اهمومـه طبـولٍ واشتغـل زيـره
صـبـرت للهم واعـلـن حـربـه وشـنّــه وجيشه علىالمعركـه صفـت طوابيـره
وكبّـرت بالله وسقـت الخـيـل بالعـنّـه وهزمت جيشه وجيشي ضده مغيره
ونصـرنـي الله بصـبـر كــم لــي اكـنّــه اصبر وصدري ما ياسع حبـة اشعيـره
وجات السوالف بزيـن اللبـس تزهنّـه لا سمعت الصوت مني ساقها غيـره
قـالـوا حضـرنـا نـجـاوب صـوتـك وغـنّـه مـادام تبغـي الطـرب جبـنـا مزامـيـره
والـوقــت عـامـلـتـه بـديـنــاره ويــنّــه عـوّد يبيـع السلـع مـن دون تسعـيـره
مـا عـاد ميـزت سعـر الهيـل مـن بنّـه كيف العرب صار مثل الببـس والبيـره
فـيـا وارد الـعـد جـــود حـبـلـك وثـنّــه علمني الوقـت امـس الحبـل واغيـره
فالله ولا الفزعـه الـلـي بعـدهـا مـنّـه الفـزعـه الـلــي تـمــن.الله ولا غـيــره
لـو كـان تخرجنـي مـن الـنـار للجـنّـه رجا الله ابدى من ابن ادم ومـن خيـره
فالطيّب اللي يجي ضني على ضنّـه وان زل مـنّـا حــدٍ مـــا قـــل تـقـديـره
واللاش لا اخطى علي والله ما احنّـه ادور لـغـلـطـتــه واحــــــب تــعــزيــره
كل من الناس لـه مذهـب ولـه سنّـه ذا الوقت ما عاد تعرف للبشـر سيـره
والحسـد مـا يمنـع الفنـان مــن فـنّـه بالعكـس يمكـن يـزيـد الـفـن تطـويـره