لا تجاملني وانا اشوف الحقيقة .. في عيونك .. في سلامك
ما أحس ان الوله نفس الوله
ما أحس ان الغلا نفس الغلا .. ما أحس انه يحس
وين شوقي اللي غرس ؟
بس أحس ان الوله .. وان الغلا ورد ويبس
لا تجاملني ولا تضيع دقيقة .. رح لهم
رح لهم .. واترك جروحي تنزفك
رح لهم .. واترك أنيني يهتفك
رح لهم .. واتركني أبكي فرحتك
فرحتي انساها .. وفر فرحتك لهم
بس لو قلبي سألني عن ودادك .. جاوبه
جاوب بحبر الندم .. في سطر كله ألم
جاوب بأول صراحه من عرفتك .. واكتبه
اكتب اني من عرفتك ما نسيتك
وان عيني يا حلاها ما تبي غيرك بديل
وان قلبي ما لقى عقبك حياة
وانك بقلبي ومشكلتي أسيرك
واكتب بدمع الجفا
خلي حسافة ما عطيتك
وا حسافة .. شوقي الغالي دفنته .. ونسيته
وا حسافة .. ورد أحاسيسي يموت .. وما سقيته
وا حسافة .. قلبي المتعب من جروحك وطيته
بعد ما ترحل .. وتترك لي جروح .. من يضمدها .. إذا مقرر تروح
رح ..
رح ..
ولا أطول عليك
ما أبي محبوبك يغار
رح ..
رح ..
وربي يهنيك .. واتركني بآلام ونار
واذكر اني .. ما نسيتك
واذكر اني .. لا ضحك وقتي .. بكيت
ولو تهل العين كما وبل السحاب
واستريح من العنا .. ومن العذاب
ما نسيتك
حبيبي ..
وش غيرك ؟
قل لي وشلون عن عيني خذوك
وش ما عطيتك ..
وش عطوك ؟!
وش أزود من الشوق .. والقلب العليل
والدموع الذارفه .. والجروح النازفة ..
وهمٍ بصدري ثقيل
رح ..
رح ..
عسى ما يزعلون
واترك لي صورة أذكرك
صورة عليل من الوله .. وألم غيابك يقتله
يا نديمي لو حبايبك سألوك ..
عن غرامك لي مره واحرجوك
قل لهم : عمر الوفا ما ينطفي
وقل لهم : عمر الغدر ما يكتفي
يا حبيبي .. لا تظن اني غشيم
أضحك لغدرك وفي وسطي جحيم
وأبكي ليا شفتك .. تدري ليش ؟
ليا ذكرت اني يتيم
لا تجاملني .. تراهم يسألون
رح لهم .. واذكر حبيبٍ ما يخون
واذكر اني ما نسيتك ..
رح لهم .. ولا تجاملني






خاطره اعجبتني احببت طرحها لكم
تحياتي للجميع