الموقع الرسمي لقبائل بني منبه شهران العريضه - عرض مشاركة واحدة - ( اليوم الوطني) شارك بكل مميز عن اليوم الوطني

اوسمتي · 23-09-11, 08:51 PM

* ويقول الامير سعود بن بندر بن محمد رحمه الله:

مشتاق لك يا كل ما في بلادي شوق الرياض للسيل وادي حنيفه
رغم الفراق وطول وقت البعادي حبك يزيد ولهفتي لك عنيفه
ولهان لك وله الحضر والبوادي لخضرة ربيع ضاحك الوجه ريفه
عطشان اشوفك مثل كل وادي ثراه ضامي للحيا عقب حيفه
يا نجد لك منزل بداخل فؤادي يشبه جبال طويق هاك المنيفه
يا ليت والله ديرتي في مرادي او ليت قلبي دايم يطيع كيفه