: ....صرخة أنثى....
إلى : ....المستشار....
نص الرساله : ....
لا تحسب إنّك على الخاطر تهون
كلمتك للحين ما هانت علي
إنت أكثر شخص يعرف من يكون
والله إنك بالغلا حسبة هلي
يامستشار ( للمحبه ) ما أخون
والوفا غرسة روت من منهلي
بس لا يساورك ظن من الظنون
لو أغيب سنين قلبي مايسلي
كل نبضه داخل القلب الحنون
وكل عرقٍ بالمحبه لكم ملي
والمشاعر والجوارح والشجون
من غيابي عنكم نبضها يغلي غلي
أسألك بالله من غيركم يمون
ومنهو اللي في غرامكم مبتلي
يامستشار شوفتكم تشفي الطعون
وكل همٍ بالضماير ينجلي
لا كتبتك هاجسي برق ومزون
والمعاني تلبس أنواع الحلي
مرهف إحساسك قريته بالعيون
ومن تجاهل نظرتك قلبه خلي
من لبس ثوب الكرامه مايهون
ومن تجّمل يشرب الكأس الملي
انتظرني يا أكون ؟ أو لا أكون
وكان طال البعد لا تشره علّي
.............