المساعد الشخصي الرقمي

مشاهدة النسخة كاملة : بعض الوجيه


عثمان مبارك النجود
16-05-20, 03:14 AM
بعض الوجيه

بعض الوجيه المدح فيها مذمه
ياللي مديحك فالقصايد ظليمه

انا ترى فالقاف سيده وعمه
وعندي على الشعار قدر وعزيمه

اللي شكا لناس ضيقه وهمه
عنه تعلينا على اشداد ريمه

حنا بدينا من على كل قمه
منا وفينا كل حشمه وقيمه

اللي ماحصل عند لجواد حشمه
بيموت روحه من ثقتنا عديمه

الوقت لو عاته على كل لمه
والله لايجعل عاقبتنا وخيمه

من شاف في نفسه على الناس زمه
وفي واقعه والله مايسوى بهيمه

لاتحسبه عايش بخيرن ونعمه
ولا عليه ايليق منظر نعيمه

الله يعز اللي علومه متمه
وأحسن مع المحسن وروحه كريمه

عملك اخلص به مع الله وتمه
وتعيش فالدنيا وروحك سليمه

كثر الدراهم ماهي اللي مهمه
لهم روحك للأجر مستقيمه

من طاوع الدنيا حثت وسط فمه
والاخره تبغاء الاوجور العظيمه .

عثمان مبارك خويتم