ارمضان ورحابه

[عثمان مبارك النجود]

طلعت من جو العمل والضغوطات
ودخلت في جو ارمضان ورحابه

والله يجير القلب من كثر لزمات
والله يخارج م الزمن وانقلابه

والله يغفر اذنوب لحياء ولموات
فالموت ياكم راس قومن غدابه

عليه مر الموت في ساع لحظات
والله يجبر كل قلبن اصابه

ليام تمضي في دقايق وساعات
والناس مع غفلاتها مستجابه

تطرد ورى الدنيا وحب الملذات
وكلن مع ليام عقل ركابه

وخبيئه المسلم قرائه ودعوات
اللي على نهج النبي والصحابه

وسبحانه اللي فوق سبع السموات
الواحد اللي كل خلقه تهابه

امنزل القرآن عضه وعبرات
والمؤمن اللي يتعض من كتابه

اف يالله ياعالم جميع الخفيات
اتجيرنا هم الزمان وعذابه

وتغفر لنا يارب في كل مافات
ياوحدن للخلق ماصك بابه .

عثمان مبارك خويتم