المساعد الشخصي الرقمي

مشاهدة النسخة كاملة : مرثيه في المرحوم عمير بن عامر الطلوق المنبهي الشهراني للشاعر محمد عمير بن منيس


ابن طلق
14-07-16, 10:49 PM
قصيده رثاء للشاعر محمد بن عمير بن عامر بن منيس الطلوق المنبهي الشهراني

في والده المرحوم
عمير بن عامر الطلوق المنبهي الشهراني

بسم الله الرحمن الرحيم



ظهر الثلاثا خيمت كل الاحزان
ضاق الفضا بي عقب علم المنيه
ستة عشر باول شهر فالسنه حان
خمس وثلاثين اربع اميه شقيه
يالله ياعالم خفا الانس والجان
ياسامعن صوتي ياجزل العطيه
يالله في وبل سبر فوق عرمان
تشعل بروقه والرعد في دويه
يمطر على قبر الفقيده بودانً
تسعين عام والمزن عقربيه
غيثه برد وارضه من الثلج تزدان
ويصير قبره من رياض هنيه
يالقادر اونس وحشته تحت الادفان
واوسع عليه القبر والنور ضيه
وثبت لسانه لسألوه الملاكان
يبقى على الفطره وسنة نبيه
يابوي عقبك عفت انا كل الاوطان
والدار بعدك موحشه واضعويه
عز الله اني ذقت مرك ياعزران
كويت نون العين وانجحت كيه
مرحوم ياشيخ رفع صيت شهران
حاش المراجل كلها مقنويه
راع الكرم مسعد ضيوف وجيران
كم حايل تذبح وكم شاذليه
يشهد له القاصي والادنى بالأيمان
ويشهد هل الجدعا حماة المطيه
ذكره يشرفنا على مر الازمان
تكفون يالاشبال حفظ الوصيه
امر من المولى مقدر وحسبان
كم مومن يرقب صباحه عشيه
يالمعطي اجمع بيننا وانت رحمان
في جنة الفردوس نجلس سويه
واختامها صلوا على خير برهان
على رسول الله شفيع البريه