لا يغرك ملبس الرجل

[عويد النجود]

#عويد_النجود
تويتر: @OOwaid8181

لا يغرك ملبس الرجل في هندامه
ترى شكل الأنسان مايضهر خفاه

ولا تغرك شيوخ شيختهم ورقه وختامه
ببشته يشيخ وفعوله مجلسه ماتعداه

وشيوخ ماتعرف الختم وترقا بالزعامه
ماهمه الملبس همه ان المراجل ماتخطراه

وقد قالها ابن بديع وبين في كلامه
المرجله ماتجي بالحكى والمضاهاه

وإللي بغى المرجله عند أهل الرخامه
يتمساء عند أمه أزين له مساه

ولا تخاوي منهو فالشدايد مرخي حزامه
سند مع إللي المراجل بكل حزه تنصاه

ولا تجادل سفيه تالي كلامه عدامه
اسفه حد الميانه ماجت في مناه

والردي إللي يتبناء لك بالسلامه
عطه بالقفاء قبل لا تحصد رداه

وان بغيت الحكمة إللي ماورها ندامه
لا تزحزح عن المرجله ولا تسلك أي إتجاه
#عويد_النجود