عبر الفضاء

[عثمان مبارك النجود]

عبر الفضاء

المعذره يالربع لاصرت مشغول
وبانت مواريد الوصل بالقطاعه
على الهوى مباشر من الحين منقول
عبر الفضاء في موجته وإندفاعه
سجلت بسم المقدره هرج معقول
يسماء على كنز الثقه والقناعه
لاصار بيت العز عامر ومنزول
وضيفانه اللي كل ساعه وساعه
مايوم شافو مدخل الباب مقفول
سلمن عليه اهل المراجل مطاعه
من خيرت الاطباع بالفعل والقول
في نهج من يرضاء الهدي وإتباعه
تنوب فالوقفات فالعرض والطول
وقت الزعل تسمح وتهوى الشفاعه
حسن النباء فيها من الهرج معسول
فالجد جد وفاللكاعه لكاعه