وصلك ولقياك

[عثمان مبارك النجود]

وصلك ولقياك

احسب حساب ايام وصلك ولقياك
واهيم في درب الغرام وبحوره
وش حيلة المشتاق لاصار يبغاك
شوقه يسابق لهفته في حضوره
لاكن حال الوقت من دون ملقاك
زود الظروف القاسيه ماتبوره
اجلس مع همي وانا اعيش ذكراك
واسعد مع الذكرى وزولك ودوره
سويت كل اللي تبيه انت لرضاك
خليتني في غيبتك شبه صوره
خذيت قلبي يالغلاء جعله فداك
وعليه لا اوصيك دامك سروره
داره من القسوه ويحفظ مزاياك
وخلك معه لبى هواك وغروره

[ابن طلق]

صح لسانك وصح منطوقك يابو عبدالله


يعجز اللسان عن شكرك
على تواجدك المميز وقصائدك الجزله

حقيقه الموقع يفخر بوجودك ووجود المميزين شرواك

تحياتي لك شاعرنا المبدع
والى الامام