على نياتنا

[عثمان مبارك النجود]

على نياتنا

ماعادني مهتم لفراق ووصال
اللي يواصلني على كيف كيفه
مليت من صبرن طعونه تغربال
ومليت اقدر من علومه سخيفه
ضحكه مع غيري من الجال للجال
وإيعيش بحلام الليالي المكيفه
ياكم على شانه مطالع ومنزال
نحن روحه من عنا ما تعيفه
حنا على نياتنا نقبل إقبال
نحسب نوايا الناس معنا نظيفه
اثر البلاء بنفوسها والامل ظال
ضعنا مع امالنا في وصيفه
من يردع الوقت المشيب ليا مال
وسابق طيوف الناس للحلم طيفه
قمت وطلبت الله في ستر لحوال
اخاف من جرح النفوس العنيفه
مايجرح إنفوس الاوادم ويغتال
إلا السحى يهل القلوب الوليفه

[ابن طلق]

صح الله لسانك يابو مبارك

قصيده في الصميم وابيات في محلها
يعطيك العافيه

تقبل مروري ولك ودي واحترامي