يالله تنصرني

[عثمان مبارك النجود]

يالله تنصرني

يالله تنصرني على من ظلمني
يانصرت المظلوم ع الظالمينا
انسان واعيش الامل والتمني
وذاتي على حفظ الودايع امينا
ماهو بكيفك ذا تسويه لني
على لجوئي لك موصوف فينا
جيتك من جروح الزمان المدني
ياللي لهيبه فالشتاء يد فينا
خبرك على ماقالو الناس ظني
إن غيبتك اعيش فيها معينا
ادور الفزعه من اهل التهني
مافيهم اللي فزعته جت بلينا
احدن ضحك ثم صد ثم قال عني
وين الوناسه لوله يم وفينا
قلت الزمن ماهو على حال فني
لاكن ليامنكم نزلتم علينا
حنا على روس النوايف نبني
مثل الصقور اللي إبعلاها تبينا
مالي مع اهل القال علم وموني
حنا كم اثقال الوزن في مشينا
ترتيبنا ترتيب شعر ومغني
وبعض الخطوط الحمر منها غنينا