المساعد الشخصي الرقمي

مشاهدة النسخة كاملة : اللي يبي فرقاي


عثمان مبارك النجود
08-10-13, 12:04 PM
اللي يبي فرقاي

ماني بجاهل وإن تجاهلت شايف
شين يكود الناس من شان شوفه
انا اللذي قدر ظروف الولايف
وانا اللذي عز القلوب الولوفه
منزالنا روس العلاء والنوايف
ونبدي مثل منشا المخيل وقنوفه
والمشكله لاصرت شايف وعايف
والنفس في بعض المواقف عيوفه
شفت الهوى راعيه روحه خفايف
ورحه على كل الموارد شفوفه
اللي يبي فرقاي مابه كلايف
مع الطريق اللي يجي منه طوفه
ماكنت اميز بين رايق وكايف
حتى لقيت إن راحتي في كفوفه
الله ولا حب" وراه الحسايف
والله ولا وصلا" قفته الحسوفه
واللي يحسب إني لفرقاه خايف
ابيه يدري إن الزمن ذي صروفه
لاصارت إسيوف الحبايب رهايف
يالله عسا دنيا العنايا تحوفه

ابو محمد الطلقي
12-10-13, 10:52 PM
صح لسانك يا بو مبارك

وننتضر جديدك

صقر بني منبه
28-11-13, 01:13 AM
لاهنت بيض الله وجهك
والله يعطيك العافيه
تحياتي واحترامي