قصيده مهداه لابن طلق

[ابن سياف ال ناير]

بسم الله الرحمن الرحيم

السلام عليكم ورحمت الله وبركاته والصلاة والسلام
على اشرف الأنبياء والمرسلين أما بعد:

هذي قصيده مهداه للأخ العزيز الأستاذ / عبدالله ابن محمد العريدي الطلوق
(ابن طلق ) من أخوك /عبدالله ابن سياف ابن ناير

سلام الله على رمز الوفاء والشكاله
على بن طلق عبدالله رفيع المقامي

رفيع النسب ما بين عمه وخاله
وبوه العريدي منصب الجود سامي

خصال المراجل كلبوها خصاله
ورفقت مثل شرواكِ مكسب كلامي

وسعْد الرفيق اللى له الصيت ناله
رفيع المقام وللمكارم غلامي

وحنا نفاخر بالكفو دون ماله
رصيدٍ لربعه محزمٍ في عمامي

واختم كلامي صلو في كل قاله
على مَحَمَّدْ رسُولِ شرقٍ وشآمي


وسلامتكم تقبلو مروري

[النجود]

صح لسانك يابوسياف ويستاهل عبالله العريدي

[ابن طلق]

بيض الله وجهك يابو سياف
وصح الله لسانك على هذه القصيده
جملت جمل الله حالك

شكرا لك ولاهنت لاعدمتك يالسمي

[ابو عامر]

والله ومليون نعم بكك وبه..

صح لسانك يبو سياف والله يكثر من امثالك ..
تقبل مرور اخوك : علي

[الساحل الشرقي]

صح لسانك يابو سياف وبيض الله وجهك على هذي الأبيات
ويستاهل أبو الجازي كل علم غانم

[سيف بني منبه]

أنت كريم وشاعر مميز
وابن طلق يستاهل جزل المعاني واطيبها
بيض الله وجهك ولك ودي وتقديري

[ابن سياف ال ناير]

الإخوان أعضاء المنتدى
النجود
ابن طلق
ابو عامر
الساحل الشرقي
سيف بني منبه

الشكر لكم موصول لكم الود والاحترام
والتقدير تقبلو مروووووووري