المساعد الشخصي الرقمي

مشاهدة النسخة كاملة : ماكن غيرك يامشاري حدن مات


سبع الليل
08-07-13, 01:27 PM
الله من قلب من العام مجروح = عيا يطيب وحيّراهل الصحيات
الحول حال وباقي الجرح مفتوح = من شافني ماينطق الاسلامات
عليك ياشيخ الرياجيل بانوح = ومن لامني جعله بحد الرهيفات
كريم واخلاق وخدوم وممدوح = تجمعت فيه الخصال الحميدات
يابري حالي لاذكرته ويافوح = يافوح صدري عقب راعي المروات
معزة الشايب معي وين ماروح = لاجيت بنسى ذكرتني الثقيلات
الباقره من عقب فقده بلاضوح = لوفي الضحى شمس وفي الليل لمبات
غلاك ياعمي سطى داخل الروح = ماكن غيرك يامشاري حدن مات
مرحوم ياشيخ على الخد مطروح = جعل الرفايا فوق قبرك سخيات

شعر /علي بن شوكان

ابن طلق
09-07-13, 01:33 AM
صح الله لسانك ياسبع الليل
ورحم الله عمك مشاري رحمة واسعه

قصيده رائعه تشكر عليها
شكرا لك على طرحك الجميل
تقبل مروري

هتاان
21-07-13, 05:55 PM
الله يعطيكـِ العافيه يارب
خالص مودتى لكـِ

هتاان
21-07-13, 09:58 PM
شكرا لك على الموضوع الجميل و المفيذ ?

جزاك الله الف خير