المساعد الشخصي الرقمي

مشاهدة النسخة كاملة : ياهموم الوقت ولي ولي / الشاعر مشعل جمعان


الشاهين
14-01-13, 07:38 AM
ياهموم الوقت ولي ولي
الليالي كادني مسراها
بعد كنت معزبٍ ومهلّي
قام بالضيفه معك وانهاها
والله انها ضيفتن تنملّي
وانها درسي ولا بانساها
بعد حرّ الشمس بالقى ظلّي
وآرد عدودٍ عذيٍّ ماها
ومن تنشّد حاجته يندلّي
بدها لاما غدت يلقاها
والجروح الداميات تسِلّي
لا اخلف ادواها مسبّب داها
فياوليفي وش معك متغلّي
المحبه صدقها مبداها
كان ودك بالمفارق قلّي
لا تخلّيني على عمياها
وكان ودك نفترق فامهلّي
واستمع للجمله وفحواها
والله انه صعب فرقا الخلّي
وان نيران الهوى تصلاها

الشاعر / مشعل جمعان التوبي

الساحل الشرقي
14-01-13, 11:02 AM
صح لسان الشاعر
مشعل بن جمعان
على هذي الابيات الرائعه

وبيض الله وجهكـ
يابو عبدالعزيز
على هذى النقل الرائع