يابن هندي جرح فالح مابراء

[ابن هندي]

قصيده لشاعر/فالح بن عبدالله البجادي موجهه/محمد بن ناصر بن هندي..
يابن هندي جرح فالح مابراء والسنين تمروالصابرمصاب


واتحمل كن ماشي جراء
للزمان الشين يانزه الجناب

والجمل لامانكسرمايجبراء
ويهدروانقام مالحق الركاب


كان راس المال عندي وثراء
والله انه اول من احسبله حساب


وكان ماغيره علا الدنياذراء
والسوال اصعب منه ردالجواب


والهدف قدام لايرجع وراء
غير مقصودي باقفل كل باب


والزمان يعلم اللي مادراء
علم اللي ماتعلم من كتاب


ماجذبني نوض براق سراء
والعطش ماهوب يرويه السراب


والمجالس سوق بيع ومشتراء
لايشيب الراس في سن الشباب


وان غدت مابين حول واعوراء
راحت الدنيا خراب في خراب


والختام اهديك مسك وعنبراء
وابتسامه خيرمن كثرالعتاب


والرد من ابن هندي يقول:




مرحبا ترحيب شيخٍ بومرا
برفيق الكفو فكاك النشاب


من شكى من جور وقته يعذرا
دام حظه بين ضرس وبين ناب


ودامنا ياخوك فالوضع خشرا
مشكلة بو زيد عاناها ذياب


حظنا يزحف ولا قام عثرا
وغيرنا حظه على غر السحاب


ولو نضيق ولو تشين الخطرا
ولو بلانا الوقت بانواع العذاب


نضحك وفالصدر نار ومنكرا
وانتباها في جديدات الثياب


ماتشوف الناس غير المظهرا
والكنين صدوف وجروحٍ عطاب


مالنا الا الله سرٍ وجهرا
فارج الكربه ليا اشتد الخطاب

[ابن هندي]

ولقد جاراها الشاعر/محمد بن ناصر بن مريح الدعرمي..يقول:
بسم رب الكون فينا قدرا*

كل شيءقدره ربي صواب



ارحبوياهل الجواهرياشعرا*

كن جسمي دب وسطه سم داب



اسمع اصوت النموره تشهرا*

تطرب المفتون ببيات عجاب



كل شاعرعن همومه عبرا*

من زمان حزسيفه بالرقاب



تشتكون الجورمن حال الزرا*

ابشروابالخيرفي عذب الشراب



كل من حده زمانه وافترا *

يحتمل للحمل واطعون الحراب



يابن هندي علمك وفالح طرا *

كل صاحب في خويه ما يعاب



والمعنى عن علومه خبرا *

طر بجنحانك وحلق يا عقاب



سق دلالك والبريق امخدرا *

في توالي الليل والهاجوس طاب



والختام افضل صلاة في البرا *

للرسول اللي على هديه نثاب

[بو لانا]

صحت السنتكم جميع قصايد جزله استمتعت بها
تقبلو مروري ولكم تحياتي

[ابو طلااااال]

يعطيكم العافية شعرانا وبيض الله وجيهكم

قصائد جميله وجزله

تحياتي وتقديري

[عبدالله التوبي]

صح السنتكم جميعا

لاهنت يابو ناصر

ووووووودي

[ابن هندي]

ابو لنا



لاهنت




وصح بدنك مرورك اعتز به

[ابن هندي]

ابو طلال



والله يعافيك


ووجهك ابيض




مرورك اعتزبه

[ابن هندي]

عبدالله التوبي



صح الله بدنك




ولاتصغر




مرورك مشرف كالعاده

[الشاهين]

بيض الله وجهك

ع الطرح الرائع يالغالي

وفالك الطيب

[ابن هندي]

الشاهين



ولاتصغر




لك الشكر والتقدير على المرور المميز

[سبع الليل]

ابدعت اخ محمد الحقيقة القصايد رائعة وكانت قصيدتك لها نكهة خاصة وطابع خاص يلمحها المتمرس في القصيد الى الامام اخوي محمد وفالك الطيب.

اخوك علي بن شوكان:8680010521:

[ابن هندي]

سبع الليل





أشكرك على المرور