قصيدة الزعفران بمناسبة عودة الشيخ ابن شعمول

[الشاهين]

قصيده للشاعر الزعفران ابو شيبه

(منيس بن فايز ال معتق الكريسي المنبهي الشهراني )

بمناسبة عودة شيخ قبيلة الكرسه بني منبه شهران

بعد ان من الله عليه بالشفاء بعد العمليه الجراحيه التي اجراها في احد مستشفيات الرياض


القصيده



يا الله يامنشي مزون المخيله= يافارج الشدات جالي ظلامه
أطلبك في درب الهدى والفضيله=وانك تثبتنا على الاستقامه
من بعدها بسمي وبسم القبيله=حياكم الله في محل الكرامه
اهلا وسهلا في محل يجيله=وفد الرجال وفي محل الزعامه
شيخ يمينه في المكارم طويله=مصدر وفا ماهي مصدر رخامه
اللي ليا جا حملنا يرتكي له=والحمد لله يوم جا بالسلامه
يالله عسانا ماندور بديله=وعسى السعد والخير دايم امامه
يالله عسى ايامه سنين طويله=ولا ينزل بوعلي من مقامه
الشيخ بن شعمول شيخ الجميله=لا يا حزام اللي ترخا حزامه
سعد الرفيق اللي حموله ثقيله=وجار الزمان ولاهتنا في منامه
والكفو من طبعه ينجي دخيله=ويناصرهويزيح عنه الغمامه
هذا كلام الزعفران وحصيله=ويقال صح لسان من ذا كلامه
وصلوا على المختار يومه وليله=شفيعنا الهادي نهار القيامه



http://up.arab-x.com/Mar12/1dE34258.jpg

[صقر بني منبه]

الشيخ بن شعمول شيخ الجميله
لا يا حزام اللي ترخـا حزامـه

صح لسانك ولسان الشاعر منيس
قصيده رائعه ويستاهل السلامه والابيات ابو علي
تحياتي واحترامي

[ابو مهند]

سلمت يابوعزوز

وصح لسان بوحاتم

ويستاهل بوعلي السلامه

ودي وتقديري

[ابن عويد]

صح لسانك ولسان الزعفران منيس
والحمدلله على سلامة و علي وما يشوف شر

[سبع الليل]

قصيدة جزلة من شاعر جزل والحمدلله على سلامة الشيخ فايز ويستاهل الطيب

ومشكور اباعبد العزيز على هذا النقل الرائع

[ناصر الشهراني]

صح الله لسان الشاعر منيس بن فايز على الأبيات الثمينه شاعر رائع ومتواضع وشهادتي فيه مجروحه ولاهنت أخوي الشاهين على النقل تحياتي وتقديري

[الواهبي]

قصيدة رائعة

بيض الله وجهك

والله يعطيك ألف عافية

-- تحياتي --