المساعد الشخصي الرقمي

مشاهدة النسخة كاملة : على والوعد والشوق والاتفاقا


مشعل جمعان التوبي
05-02-12, 02:17 PM
على الوعد والشوق والاتفاقا=جيتك لو انه صار لي منك مدّه
باعذب عباراتي خضوعٍ.. تساقا=واحمل معي باقات حبّ ومودّه
دست الخطر لاجلك وعنّيت ساقا=وسلّيت سيفٍ يرهب اعداي حدّه
اجيك واقطف لك ماطاب وما لاقا=ياندّ في وقتي ولافيه ندّه
لبّيه ياصدقٍ سمى فالافاقا= لبّيه يامكنون ماباح سدّه
خلّيتني واحسبك ناوي الفراقا=يوم ان وقت المزح يغلبه جدّه
البال مشغولٍ ولايوم راقا=ويشدّني يمّك عتابي واشدّه
للفكر غيبوبه.. وذاليوم فاقا= وامّا نمدّ الشوف والاّ نلدّه!
قلّي بيمديني عليك اللحقاقا=والاّ.. ماراح من المخاسير ردّه
اشقيتني بين الرجا والوفاقا=وفتحت بابٍ يوم بابٍ نسدّه
حيّرتني لكن.. عليّ الطلاقا= اني على ماراد هجسك وقدّه
بديت معك المرحله في سباقا= من باب ماتخفيه للناس بدّه
كنّي بحرب.. ولاجلك الدمّ راقا=من ضدّ لك صاحب لزومٍ تضدّه
ماهبت من خصمٍ .. ولا الكون ضاقا=واللي تفدّاك بجميلٍ تفدّه
وهم.. وخيال .. وللقوافي عناقا=ومن طاوع اصخاف الايادي تكدّه
تدري .. على شاطي البحور انتلاقا= والاّ استبيحك فالجفا والمصدّه

ابن طلق
05-02-12, 05:59 PM
لبّيه ياصدقٍ سمى فالافاقا
لبّيه يامكنون ماباح سدّه
خلّيتني واحسبك ناوي الفراقا
يوم ان وقت المزح يغلبه جدّه


صح الله لسانك يابو جمعان
قصيده جزله من شاعر جزل
أستمر ايها المبدع فكلنا ننتظر جديدك

تقبل مروري ولك ودي وتقديري

صقر بني منبه
25-02-12, 10:08 PM
صح الله لسانك يابو جمعان
قصيده جزله من شاعر جزل
لاهنت يا غالي
تحياتي واحترامي

الشاهين
26-02-12, 08:11 PM
للفكر غيبوبه.. وذاليوم فاقا
وامّا نمدّ الشوف والاّ نلدّه!


الله وكبر عليك

ابداع منقطع النظير وقافيه لايجيدها بهذا الكم الهائل من الابيات إلا شاعر متمكن مثلك اخوي ابو جمعان


لا املك إلا ان اقول لك لافض فوك

وصح لسانك وبيض الله وجهك

وتستهل احلى تقييم وخمس نجوم بعد

تقبل تحياتي

وفالك الطيب

الواهبي
25-06-12, 08:33 AM
صح لسانك

وبيض الله وجهك

والله يعطيك ألف عافية

-- تحياتي --