ابو وسن السراري
23-12-11, 08:32 PM
--------------------------------------------------------------------------------
.من زمرة الطاغوت....حذراك حذراك=لا تبتلـي بجـروح يصعـب دواهــا
وإلى مشيت اعرف دروبك وممشـاك=احرص على نفسـك وخالـف هواهـا
أمّـارةٍ بالسـوء مـا هـي بتنـهـاك=اقبـض عليهـا ليـن يجلـى صداهـا
اقطـع نواياهـا بديـنـك وتـقـواك=هلّـل وعـنـد الله سـريـعٍ شفـاهـا
والعيـن لا تنظـر بهـا مـن تعـدّاك=المحصنـه لـو تلتفـت لـك وراهـا
اصبر علـى همّـك وغمّـك وبلـواك=عـف وتعفـف لا يـغـرّك حـلاهـا
واترك حرام القوت مـا هـو بيمـلاك=كـل البطـون الجايعـه مـا مـلاهـا
رشفةحلال اتسـد جوعـك ومضمـاك=تسـوى مشاريـب الحـرام وغثاهـا
النار فـي جوفـك وتصلـى حنايـاك=نـار الجحيـم تزيـد للـي وطـاهـا
واحفـظ لسانـك لا يجـرك ويبـلاك=اخـذ الثمينـه لـو غلـى مشتـراهـا
الهـرج ميزانـك ويكشـف خفايـاك=كلـمـة تعيـبـك لا تبـيّـن نبـاهـا
صون الكلام وصون نفسـك ومبـداك=للنفـس حشمـة لا تفصّـم عـراهـا
اصمت مدامك عارفٍ سيـر مجـراك=لا تنقـل النّمـة وتبـحـث خفـاهـا
يـزول قـدرك عنـد أقـرب دنايـاك=لو هـو ولـد عمّـك حياتـك جفاهـا
واحلـم تـراه الحلـم يرفـع مزايـاك=هـو سيّـد الأخــلاق هومبتـداهـا
وصّى به المبعوث مـا هـو بيخفـاك=شفعيـنـا يــوم المـلاقـاة طـــه
خل الجهـل لاتجعـل الغيـظ ياطـاك=ترى الجهـل سـم القلـوب وعماهـا
وإلى ابتليت ارفـع إلـى الله شكـواك=لا بدّهـا الأيـام تكـشـف غطـاهـا
اصبر يزيـن الحـظ ويزيـن مرمـاك=الله يفرجـهـا ويـدفــع بـلاهــا
لا تمنـع المحـروم لا مـن تنصّـاك=الناس لأجل النـاس وأحسـن عطاهـا
ابــذل لـوجـه الله والله يـجـزاك=مثل الغـروس اتطيـب للـي سقاهـا
لا ضاع معروفك ولا ضـاع حسنـاك=إن كانـهـا لله تـلـقـى جـزاهــا
جارك ولو هو جـار تسقيـه منمـاك=عليـه لا ترفـع يديـنـك عصـاهـا
أحسن جوار الجار لـو كـان يشنـاك=ترى العرب تحشم كـلاب اقصراهـا
بكـره يشـد ويكـتـب الله فـرقـاك=عسـاه يذكـر جيـرتـك مانسـاهـا
الظلم شيـن ويجعـل النـار مثـواك=راع الظليمـه عيشتـه مــا هنـاهـا
فوقـك إلـه العـرش عالـم نوايـاك=ينظـر قلـوب النـاس وش محتواهـا
يسمع بمـا تجهـر وعـارف خفايـاك=بأمره شروق الشمس ترسـل ضياهـا
هـو عالـمٍ غيبـك وركّـب خلايـاك=هـو خالـقٍ فيـك العـروق ورواهـا
والضيف له حقٍ إلـى حـل بحمـاك=قلّـط ضيـوف الله وأكـرم لحـاهـا
لا تحقـر الضيفـان واتشـح بغـذاك=مـن مـا عطـاك الله قلّـط عشـاهـا
وعليك باللـي حـزة الضيـق يفـداك=لا شانـت الدنـيـا ودارت رحـاهـا
لا من زهمته لو علـى المـوت لبّـاك=عيني لجـل عينـك وروحـي فداهـا
ترى الخوي نبراس روحـك وملْجـاك=لا كلّـحـت بقـعـا وزادت غثـاهـا
حذراك من بعض المخاليـق حـذراك=بعض العرب ما تفرقـه مـن نساهـا
تايـه وضايـع بيـن ذولا .. وذولاك=فيـه الجهـالـة واصــلٍ منتهـاهـا
.من زمرة الطاغوت....حذراك حذراك=لا تبتلـي بجـروح يصعـب دواهــا
وإلى مشيت اعرف دروبك وممشـاك=احرص على نفسـك وخالـف هواهـا
أمّـارةٍ بالسـوء مـا هـي بتنـهـاك=اقبـض عليهـا ليـن يجلـى صداهـا
اقطـع نواياهـا بديـنـك وتـقـواك=هلّـل وعـنـد الله سـريـعٍ شفـاهـا
والعيـن لا تنظـر بهـا مـن تعـدّاك=المحصنـه لـو تلتفـت لـك وراهـا
اصبر علـى همّـك وغمّـك وبلـواك=عـف وتعفـف لا يـغـرّك حـلاهـا
واترك حرام القوت مـا هـو بيمـلاك=كـل البطـون الجايعـه مـا مـلاهـا
رشفةحلال اتسـد جوعـك ومضمـاك=تسـوى مشاريـب الحـرام وغثاهـا
النار فـي جوفـك وتصلـى حنايـاك=نـار الجحيـم تزيـد للـي وطـاهـا
واحفـظ لسانـك لا يجـرك ويبـلاك=اخـذ الثمينـه لـو غلـى مشتـراهـا
الهـرج ميزانـك ويكشـف خفايـاك=كلـمـة تعيـبـك لا تبـيّـن نبـاهـا
صون الكلام وصون نفسـك ومبـداك=للنفـس حشمـة لا تفصّـم عـراهـا
اصمت مدامك عارفٍ سيـر مجـراك=لا تنقـل النّمـة وتبـحـث خفـاهـا
يـزول قـدرك عنـد أقـرب دنايـاك=لو هـو ولـد عمّـك حياتـك جفاهـا
واحلـم تـراه الحلـم يرفـع مزايـاك=هـو سيّـد الأخــلاق هومبتـداهـا
وصّى به المبعوث مـا هـو بيخفـاك=شفعيـنـا يــوم المـلاقـاة طـــه
خل الجهـل لاتجعـل الغيـظ ياطـاك=ترى الجهـل سـم القلـوب وعماهـا
وإلى ابتليت ارفـع إلـى الله شكـواك=لا بدّهـا الأيـام تكـشـف غطـاهـا
اصبر يزيـن الحـظ ويزيـن مرمـاك=الله يفرجـهـا ويـدفــع بـلاهــا
لا تمنـع المحـروم لا مـن تنصّـاك=الناس لأجل النـاس وأحسـن عطاهـا
ابــذل لـوجـه الله والله يـجـزاك=مثل الغـروس اتطيـب للـي سقاهـا
لا ضاع معروفك ولا ضـاع حسنـاك=إن كانـهـا لله تـلـقـى جـزاهــا
جارك ولو هو جـار تسقيـه منمـاك=عليـه لا ترفـع يديـنـك عصـاهـا
أحسن جوار الجار لـو كـان يشنـاك=ترى العرب تحشم كـلاب اقصراهـا
بكـره يشـد ويكـتـب الله فـرقـاك=عسـاه يذكـر جيـرتـك مانسـاهـا
الظلم شيـن ويجعـل النـار مثـواك=راع الظليمـه عيشتـه مــا هنـاهـا
فوقـك إلـه العـرش عالـم نوايـاك=ينظـر قلـوب النـاس وش محتواهـا
يسمع بمـا تجهـر وعـارف خفايـاك=بأمره شروق الشمس ترسـل ضياهـا
هـو عالـمٍ غيبـك وركّـب خلايـاك=هـو خالـقٍ فيـك العـروق ورواهـا
والضيف له حقٍ إلـى حـل بحمـاك=قلّـط ضيـوف الله وأكـرم لحـاهـا
لا تحقـر الضيفـان واتشـح بغـذاك=مـن مـا عطـاك الله قلّـط عشـاهـا
وعليك باللـي حـزة الضيـق يفـداك=لا شانـت الدنـيـا ودارت رحـاهـا
لا من زهمته لو علـى المـوت لبّـاك=عيني لجـل عينـك وروحـي فداهـا
ترى الخوي نبراس روحـك وملْجـاك=لا كلّـحـت بقـعـا وزادت غثـاهـا
حذراك من بعض المخاليـق حـذراك=بعض العرب ما تفرقـه مـن نساهـا
تايـه وضايـع بيـن ذولا .. وذولاك=فيـه الجهـالـة واصــلٍ منتهـاهـا