سبع الليل
22-12-11, 07:17 PM
يالله يلي دايم الدوم نرجية = ياواحد(ن) ماغيره احد(ن) عبدناه
ثبت لساني باالبيوت المنازيه = ويارب انا بسألك تغفر خطاياه
طيب الفتى حقة يجيبة بياديه = ومن لا يعدك شى عده بلا أياه
والرزق بيد اللي البريه تنا ديه = رب(ن) كريم(ن) وافياة(ن) عطاياه
وماكتب لك في اللوح غصب تلاقيه = لاباالحذر ينفع ولا قولة(ن) اه
والحر لا ما عاف وكره يخليه = والذيب يمشى لين يوصل معشاه
والسيل ياهل العرف تعرف مجاريه = والسيل مايجري على غير مجراه
والنفس لا علمتها العز تغليه = يصعب على النفس العزيزه تناساه
ويامل قلب(ن) كاثرات(ن) بلاويه = ويتله التلال صبحه وممساه
على حياة شرها اليوم تبديه = الخيرفيها قاصر اليوم مبداه
النجس فيها كابرات(ن) علابيه = يسرح ويمرح كابر اليوم علباه
راح الزمان اللي هل العز تشريه = والطيب قصُر وسط لسواق مشراه
وهنيكم ياهل القلوب المداليه = يلي على فعل الرديين دلاه
والبر يامحلا على البال طاريه = عقب المطر يازين شوفه وممشاه
يرتاح بال اللي المشاكل تباريه = والبر يجعل شايل الهم ينساه
ويازيين شوف الروض والغيث واطيه = ريح النفل مع الخزامى تعداه
وياما حلا شوف القطا في مفاليه = مع الصباح وزاهي الروض غطاه
مع صحبة(ن) لاشافت الصيد ترميه = نصفه غدا والنصف لاخرتعشاه
ويا ما حلا شوف الهدد ونت راعيه = في تختخ(ن) راعي الغنم ماتوطاه
والخرب مد الريش والصقر حاديه = يبغى النجاة ولحقه الصقر ممداه
وحول به القرناس من فوق فاريه = الريش طار وقامت الريح تذراه
والجمر شب وفوقه الصيد نشويه = هاذي طراة العمر وهاذي حلاياه
وآخير منها فرض ربي نصليه = ماخاب من فرضه على الوقت صلاه
والدين ياحماية الدين نفديه = لا خير فيمن باع دينه بدنياه
والجار لاتغدر بجارك وتوذيه = ترى النبي وصُى على الجار وبداه
والضيف لامن جاك لابد تقريه = حق(ن) عليك وشارع الدين وصاه
ومن رافق الغاوي عن الحق يغويه = والشوك ماشفنا حدا الناس يجناه
ونصحك في وصل الرحم لا تجافيه = الله يقطع كل قاطع ويمحاه
ولاتصدق النمام وحذر تواليه = سواد قلبه واضح(ن) في محياه
هرج القفا طبع(ن) على طول يحكيه = جبان ماقدر وجيه ولاجاه
وطعن القفا من طبع لنذال تنويه = عجز المداوي في بلا النذل وعياه
والخاين الغدار ربي يجازيه = عساه منا قلعة قعيط ورشاه
يالله تبلا كل غادر وتعميه = عسى جهنم لا بدى الحشر تصلاه
هاذي نصايح طيب والطيب نهديه = للي قصد درب المعزه ويبغاه
والبرق لاح وقلت سبحان واليه = كريم يامزن(ن) على الفيض مسراه
تسيل بيشه وترج يمشي علاويه = سقُى النخيل ونامي الزرع غطاه
وقال اللذي شوقه على هناك حاديه = شد الرحال وساق تالي مطاياه
وداع من غالى نوى ترك غاليه = وداع من قلب(ن) غلا الشوق يحداه
يااحبابنا درب السفر صرت ناويه = العذر منكم طالبه وتمناه
وللي زعل منا ترانا نراضيه = نرجو السموحه والزعل ماقصدناه
وصلاة ربي لخير من طاع باريه = عد السحاب اللي نشى ونتثر ماه
شعر/ بن شوكان
ثبت لساني باالبيوت المنازيه = ويارب انا بسألك تغفر خطاياه
طيب الفتى حقة يجيبة بياديه = ومن لا يعدك شى عده بلا أياه
والرزق بيد اللي البريه تنا ديه = رب(ن) كريم(ن) وافياة(ن) عطاياه
وماكتب لك في اللوح غصب تلاقيه = لاباالحذر ينفع ولا قولة(ن) اه
والحر لا ما عاف وكره يخليه = والذيب يمشى لين يوصل معشاه
والسيل ياهل العرف تعرف مجاريه = والسيل مايجري على غير مجراه
والنفس لا علمتها العز تغليه = يصعب على النفس العزيزه تناساه
ويامل قلب(ن) كاثرات(ن) بلاويه = ويتله التلال صبحه وممساه
على حياة شرها اليوم تبديه = الخيرفيها قاصر اليوم مبداه
النجس فيها كابرات(ن) علابيه = يسرح ويمرح كابر اليوم علباه
راح الزمان اللي هل العز تشريه = والطيب قصُر وسط لسواق مشراه
وهنيكم ياهل القلوب المداليه = يلي على فعل الرديين دلاه
والبر يامحلا على البال طاريه = عقب المطر يازين شوفه وممشاه
يرتاح بال اللي المشاكل تباريه = والبر يجعل شايل الهم ينساه
ويازيين شوف الروض والغيث واطيه = ريح النفل مع الخزامى تعداه
وياما حلا شوف القطا في مفاليه = مع الصباح وزاهي الروض غطاه
مع صحبة(ن) لاشافت الصيد ترميه = نصفه غدا والنصف لاخرتعشاه
ويا ما حلا شوف الهدد ونت راعيه = في تختخ(ن) راعي الغنم ماتوطاه
والخرب مد الريش والصقر حاديه = يبغى النجاة ولحقه الصقر ممداه
وحول به القرناس من فوق فاريه = الريش طار وقامت الريح تذراه
والجمر شب وفوقه الصيد نشويه = هاذي طراة العمر وهاذي حلاياه
وآخير منها فرض ربي نصليه = ماخاب من فرضه على الوقت صلاه
والدين ياحماية الدين نفديه = لا خير فيمن باع دينه بدنياه
والجار لاتغدر بجارك وتوذيه = ترى النبي وصُى على الجار وبداه
والضيف لامن جاك لابد تقريه = حق(ن) عليك وشارع الدين وصاه
ومن رافق الغاوي عن الحق يغويه = والشوك ماشفنا حدا الناس يجناه
ونصحك في وصل الرحم لا تجافيه = الله يقطع كل قاطع ويمحاه
ولاتصدق النمام وحذر تواليه = سواد قلبه واضح(ن) في محياه
هرج القفا طبع(ن) على طول يحكيه = جبان ماقدر وجيه ولاجاه
وطعن القفا من طبع لنذال تنويه = عجز المداوي في بلا النذل وعياه
والخاين الغدار ربي يجازيه = عساه منا قلعة قعيط ورشاه
يالله تبلا كل غادر وتعميه = عسى جهنم لا بدى الحشر تصلاه
هاذي نصايح طيب والطيب نهديه = للي قصد درب المعزه ويبغاه
والبرق لاح وقلت سبحان واليه = كريم يامزن(ن) على الفيض مسراه
تسيل بيشه وترج يمشي علاويه = سقُى النخيل ونامي الزرع غطاه
وقال اللذي شوقه على هناك حاديه = شد الرحال وساق تالي مطاياه
وداع من غالى نوى ترك غاليه = وداع من قلب(ن) غلا الشوق يحداه
يااحبابنا درب السفر صرت ناويه = العذر منكم طالبه وتمناه
وللي زعل منا ترانا نراضيه = نرجو السموحه والزعل ماقصدناه
وصلاة ربي لخير من طاع باريه = عد السحاب اللي نشى ونتثر ماه
شعر/ بن شوكان