حس الشوق

[سيف ابالعلا]

دام حس الشوق حي وجمرته شعّاله= والخواطر بيض والساري يتلّه شوقه
مايرد إللي نوى بالوصل كثر أشغاله =عن خويه لو هواجيس الفراق تسوقه
لحظة الراي العبيط المنجرف قتّاله= لو تسيَّد صاحبه مكانةٍ مرموقة
المشاريه أقبلت رجليه وخياله= ياخوي مانقصنا واجبه وحقوقه
مايصير الصاحب إللي شارب فنجاله= تتركه لاشفت لك نوٍّ تلوح بروقه
صاحبي لاثقل شدي قال عنك وشاله= الصداقه حقها يجري بدم عروقه
وارد العد الرهاوي يلتزم بحباله= قبل لايضحك عليه إللي ترف شدوقه
شجرة الموزه ليا هب الهوى مياله =لو يثقلها جناها للهوى مطروقة
الوفا لو زار قلب العالم المحتاله =أحترق سيده مع كم شمعة محروقه
أحترق والجمرة إللي بالوفا شعّاله= والله مايِطْفِي وهجها من يتلِّه شوقه

[ظافر بن وهيب]

أخي الغالي / سيف أبا العلا

وفقك الله وسدد على طريق الخير خطاك

وبعد :

بيض الله وجهك بياض يدخلك الجنة يا أبا شيهانه

صح لسانك وسلمت يمناك على طرح هذه الدرّة الرائعة

كتبت فأبدعت وأمتعت رعاك الله

أسأل الله لنا ولك ولجميع إخواننا المسلمين التوفيق والسداد

في القول والعمل إنه هو السميع المجيب


وتقبل خالص تحياتي

[المستشار]

أحتـرق والجمـرة إللـي بالوفـا شعّالـه والله مايِطْفِي وهجها من يتلِّه شوقـه



حي الله ذا الصوت وبيض الله وجهك ... قصيدة تعبر عن نفسها
أشكرك يابو شيهانه

[الشاهين]

مايرد إللي نوى بالوصل كثر أشغاله
عن خويه لو هواجيس الفراق تسوقه

ارحب يابو علي

سلمت وصح الله لســــــانك

قصيده رائعة من شاعر رائع

نعم انت رائع بكل شيء فيك

عشت سالماً ودمت مبدعاً

وهلابك

وفالك الطيب

[ابو مهند]

مايصير الصاحب إللي شارب فنجاله


تتـركـه لاشـفـت لــك نــوٍّ تـلـوح بـروقـه


صاحبي لاثقل شدي قال عنك وشاله


الصـداقـه حقـهـا يـجـري بـــدم عـروقـ





صح لسانك يابوعلي
قصيدة في قمة الروعة
دمت بالقرب يالغالي

[عبدالله التوبي]

شجرة الموزه ليا هب الهوى ميالـه
لو يثقلهـا جناهـا للهوى مطروقـة

صح لسانك يابو علي
وبيض الله وجهك
قصيدة جميلة ورائعة
وننتظر منك القادم والجديد
وودي وتقديري

[سيف ابالعلا]

ابوعبد العزيز صحيت ولاهنت ولاخلا ولاعدم

[سيف ابالعلا]

المستشار صح بدنك ومرورك اسعدني يالغالي

[سيف ابالعلا]

الشاهين لك من لقبك نصيب وشكرا قليلة في حقك والوعد قدام وهات الحروف

تحياتي لك

[سيف ابالعلا]

الاخ عبدالله التوبي دائما متميزواشكرك على مرورك اللطيف

[سيف ابالعلا]

ابو مهند صح بدنك ولاخلا ولاعدم

[ابن طلق]

وارد العد الرهـاوي يلتـزم بحبالـه
قبل لايضحك عليه إللي ترف شدوقه


صح لسانك وبيض الله وجهك اخوي سيف ابالعلا
قصيده جزله ومعانيها قويه
هذه القصيده لا يضاهيها بجمالها الا قصائد بن جدلان

وهذه حقيقه وليست مجامله
اتمنى لك التوفيق

وبإنتظار الاحلى والاجمل والاكمل منك يالمشهاب

اعذرني ودي القبك
مشهاب

[سيف ابالعلا]

ابن طلق شكري وتقديري لك ومرورك تاج على راسي ويدل علو ذائقتك الرائعه في كل المجالات اما اللقب فيشرفني ذلك ولكن الالقاب لااحبها ولكن طلبك غالي تحياتي لك

[الواهبي]

صح لسانك
وبيض الله وجهك

[صقر بني منبه]

صح لسانك وبيض الله وجهك
قصيدة في قمة الروعة
لاهنت تقبل مروري واحترامي

[سيف ابالعلا]

الواهبي شكرا لك ومتابعتك لقصائدي محل اهتمامي لاخلا ولاعدم

[سيف ابالعلا]

صقر بني منبه شكرا لمرورك ولاهنت يالغالي

[سيف بني منبه]

صح لسانك يابو بتال
وبيض الله وجهك
ولاتحرمنا من جديدك
دمت بود