المساعد الشخصي الرقمي

مشاهدة النسخة كاملة : صوت وصدى


مشعل جمعان التوبي
23-07-11, 10:49 PM
صوت مشعل المنبهي

عزتي للنفس من بعض المواقف=تنتقص من قدر رجالٍ لفاها
انظري بعده مدى ماهوب طارف=والهجوس الهينه نبحث خفاها
دامنا بادين في روس المشارف=فالنصيحه عانيه لك واتعناها
لاتعرض كل تيارٍ وعاصف=ذي نصيحة خوك حذرى لاتعصاها
حطها فالبال واحذر لاتخالف=مآدري الآجال وش بيجي قضاها
مادام انك شاعروللقاف عاسف=تعسف القيفان وتطوع عصاها
شهرتك لاتعترضها بالمتالف=خلها يالذيب في عالي سماها
صدى طلال المنبهي

مرحبابك ياعشيق اهل الغطارف=راعي بيوتٍ تشوق من وحاها
بعد ماقندتها فدت السوالف=للهجوس اللي تنومس من هقاها
يابن عمي علّ تخطيك الصوارف=يابو بكارٍ غُفل وسمك علاها
اشهد انك جبتها من بُصرعارف=عارفٍ ماهوب يجهل مبتغاها
وش تبي في غرس مايملا المخارف=المخارف لو قليلة ماملاها
لاتحزّم لاصغرت بحزام ناسف=لجل ماتشمت شموتك من بلاها
غير لاكبرت فقارع من تصادف=صامخ الروس وتحمّل ماوراها

عبدالله المنبهي
24-07-11, 12:26 AM
صح لسانك اخوي مشعل ولسان طلال

قصايد جميله

بيض الله وجهك

تقبل تحياتي وتقديري

صقر بني منبه
26-07-11, 01:34 AM
صح لسانك ولسان طلال
بيض الله وجهك
تحياتي واحترامي

الواهبي
05-09-11, 10:33 PM
صح لسانك
وبيض الله وجهك
على القصيدة الرائعة
... تحياتي ...

سيف بني منبه
05-10-11, 08:27 PM
صح لسانك يابو جمعان
وبيض الله وجهك
ولاتحرمنا من جديدك
دمت بود