في مجالس العرب

[مشعل جمعان التوبي]

:884_1162920422::884_1162920422:هذه الابيات لمجالس العرب الادبيه
واتقبل النقد والاقتراحات على القصيده





مبدأ القصايد والقوافي والاوزان=ذكر الولي في المبتدأ جلّ شانه
جلّ جلاله ربّنا خير رحمن= الخالق اللي كوّن انسه وجانه
أطلبه يهديني على درب الايمان= ويدلني درب التقى والرزانه
لعلّ قلبٍ يظهر احساسه السان = ويترجم الخافي ويعصم لسانه
سلامةٍ تبقى على طول الازمان= مادام له في منهج الطيب خانه
اللي يدوّر للجمايل على شان= مكـسب وفود واحترام ومكانه
لاصار للامداح بالفعل ميدان= ذكره وفعله صار شاهد عيانه
عليه نثني له تحيّه وعرفان= والشكر يثنى له جزيل امتنانه
رقّاه صيته وإشهر الصيت شهران= صيتٍ جميل وقايم الحظّ عانه
بنى بفعله في علا الطيب بنيان = في قمّة الامجاد واطلق عنانه
اطلق عنانه وإعلن بعلمه اعلان= علمه وصل للشام وارض الكنانه
له بالقمم رمزٍ ومركز وعنوان= ويجمع وجيه الخير والشعر صانه
أكبر فخر ويرجّح بكلّ ميزان= صرح الادب والشعر شيّد كيانه
دوّن قصص واشعار عصره بديوان= ديوان يحفظها لاميّل زمانه
بدعت هيضي وان حصل فيه نقصان= فالمعذره والنفس دايم مدانه
يوم اجهش الخاطر وشرّعت بيبان= اغوص وسط البحر واجيب دانه
هذي هجوسي جات قدرٍ وسفطان= والهاجس الخافي ترى القاف بانه

*ملاحظه: جملة مجالس العرب الادبيه, كل حرف منها بداية بيت

[سيف بني منبه]

صح لسانك
بيض الله وجهك
والله يعطيك العافيه

[عبدالله المنبهي]

صح لسانك اخوي مشعل وهذه القصيده مدح في مبارك الشهراني
موئسس مجالس العرب الادبيه ويستاهل وانت تفعل الطيب

بيض الله وجهك

تقبل تحياتي وتقديري

[الشاهين]

مجالس العرل الادبيه

موقع رائع

والقائم عليه

رجل كفوا شرواك

ويستاهل كل خير وعلمه غانم

ونت وافي ولا قصرت

وابدعت في تسخير الحرف

شكرا لك


وفالك الطيب

[صقر بني منبه]

صح لسانك يا غالي
بيض الله وجهك
تحياتي واحترامي

[ظافر بن وهيب]

أخي الغالي / مشعل بن جمعان التوبي

وفقك الله وسدد على طريق الخير خطاك

وبعد :

بيض الله وجهك بياض يدخلك الجنة يا أبا جمعان

صح لسانك وسلمت يمناك على طرح هذه الدرّة الرائعة

إبداع ولا يلحقها أي ملام

أسأل الله لنا ولك وجميع إخواننا المسلمين التوفيق والسداد للقول والعمل الصالح

وأن يجعلنا جميعاً من صوّام وقوّام هذا الشهر المبارك إنه هو السميع المجيب


وتقبل خالص تحياتي

[سيف ابالعلا]

يامشعل تقبل مني هذا اللقب الذي تستاهله فرغم صغرسنك الاانك تكتب بعقل الشيخ الكبير

اتابع قصائدك لروعتها ووجود شعرحقيقي بداخلها لقبك (مشعل القصيد) تحياتي لك يابطل

[الواهبي]

صح لسانك
وبيض الله وجهك
على القصيدة الرائعة
... تحياتي ...