المساعد الشخصي الرقمي

مشاهدة النسخة كاملة : ابكي على فرقا وليفي وخلي


مشعل جمعان التوبي
23-07-11, 10:34 PM
ياللي تقولون انت مالك مزاجي=تجهلكم همومي وفكري مولّي
جسمي مريض وما يفيده علاجي=والطبّ يعجز عن علاجي بكلّي
وهمّي كما موجٍ تصافق وهاجي=وتلعب بي الافكار ما احدٍ فطن لي
تكفون انا ما ابغى هروج ولجاجي= روحوا وخلّوني وحيدٍ لعلّي
أبني مع احلام الليالي ملاجي= واحاول انسى بالطرب والتسلّي
والهاجس اللي صار فيه ادّراجي=يتل قلبي بالهواجيس تلّي
آرد قراح الماء وشربه هماجي=وآسير في وحده وكنّي مقلّي
وآروح في ظلمى المتاهات وآجي=يوم القمر بين الكواكب مطلّي
ويوم اذكر الماضي ونور السراجي=لادمع عيني فوق خدّي يهلّي
يوم ان قلبي بيت والضلع عاجي=مابيننا من بين حقد وتغلّي
لكن تفارقنا وانا ابكي واناجي= ابكي على فرقى وليفي وخلّي
فما ضيقه الا بعدها الانفراجي=للّي لخلاّق الخلايق تصلّي

لـ مشعل التوبي..

عبدالله المنبهي
24-07-11, 12:29 AM
صح لسانك اخوي مشعل

قصيده جميله

بيض الله وجهك

تقبل تحياتي وتقديري

صقر بني منبه
26-07-11, 01:39 AM
صح لسانك يا غالي
بيض الله وجهك
تحياتي واحترامي

الواهبي
05-09-11, 10:36 PM
صح لسانك
وبيض الله وجهك
على القصيدة الرائعة
... تحياتي ...

سيف بني منبه
05-10-11, 08:26 PM
صح لسانك يابو جمعان
وبيض الله وجهك
ولاتحرمنا من جديدك
دمت بود